15 лютага ў гарналыжным курорце «Сілічы» прайшла зімовая спартакіяда, якая сабрала работнікаў арганізацый Кіраўніцтва справамі Прэзідэнта Рэспублікі Беларусь. Гэтае мерапрыемства стала сапраўдным спартыўным святам, якое аб'яднала калег, сем'і і сяброў.

Каманда ДВГА "Белмастацпромыслы" пад назвай "Моднае Народнае", у якую ўваходзілі і прадстаўнікі Бабруйскай "Фабрыкі мастацкіх вырабаў", прыняла ўдзел у спаборніцтвах і паказала выдатныя вынікі! Прадстаўнікі каманды актыўна ўдзельнічалі ў конкурсах і падтрымлівалі адно аднаго!

Усе ўдзельнікі мерапрыемства атрымалі зарад станоўчых эмоцый. Сяброўскія зносіны, выдатны святочны настрой і цудоўнае сонечнае зімовае надвор'е зрабілі спартакіяду сярод работнікаў арганізацый Кіраўніцтва справамі Прэзідэнта Рэспублікі Беларусь яркай незабыўнай падзеяй.